«Қарты бар үйдің қазынасы бар» деп білетін халқымыз, 1 қазан –Халықаралық қарттар күнін назардан тыс қалдырған емес.Аталған мерекенің мақсаты – қарттардың қоғам мен мемлекет алдындағы еңбегін құрметтеу, олардың мәселелері мен қажеттіліктеріне және өмір сапасын арттыруға көңіл бөлу әрі қамқор болуды көздейді.
Айтулы мерекеге орай, аудан әкімі Ермек Карентаев Мойынқұм ауылының тұрғыны, ұзақ жылдар бойы мал шаруашылығымен айналысқан еңбек ардагері Берік Нұрбаев ақсақалдың үйіне арнайы барып, шапан жауып, сый-сияпат себетін ұсынды.
Жылы жүзді жүздесу барысында ақ тілектің тиегі ағытылып, әсерлі естеліктер айтылды. Саналы ғұмырын еңбек етуге арнаған ардагер өз кезегінде мерекемен құттықтап, ілтипат білдірген аудан басшысына ақ батасын берді.
