Аудан әкімдігінің мәжіліс залында аудан әкімі Ермек Амангелдіұлының басшылығымен кезекті апталық мәжіліс өтті. Мәжілісте күн тәртібінде тұрған бірқатар өзекті мәселелер талқыланып, әкімдіктің жауапты бөлім басшылары тарапынан жасалып жатқан жұмыстар барысы айтылды.
Мәжілісті аудан әкімі Ермек Карентаев ашып, ағымдағы жылдың қаңтар-қыркүйек айларының әлеуметтік-экономикалық даму қорытындылары және қаңтар-қазан айларының болжамы туралы баяндама жасау үшін аудан әкімдігінің экономика және бюджетті жоспарлау бөлімінің басшысы Еркін Кеншімовке сөз берді.
Өз кезегінде бөлім басшысы аудандағы өнеркәсіп өндірісі, негізгі капиталға салынған инвестициялар көлемі, бөлшек, көтерме сауда айналымының көлемі,ауыл шаруашылығы жалпы өнімдерінің оның ішінде егін, мал шаруашылығының көлемі, құрылыс жұмыстарының және пайдалануға берілген тұрғын үйлердің жалпы алаңы туралы баяндап, жылдың аяқталуына аз уақыт қалғанын ескертіп, жыл аяғына дейін орындалмау қаупі бар негізгі экономикалық көрсеткіштерді бақылауға алу үшін аудан әкіміне тиісті тапсырма беруін сұранды.
Осы мәселелерге байланысты аудан басшысы Ермек Карентаев аудан әкімдігінің кәсіпкерлік және өнеркәсіп, ауылшаруашылық, құрылыс бөлімдерінің басшылары Ә.Әбдіразақов, Қ.Төлеубеков, Ө.Жүнісбековтерге өз сауалын қойып, тәртіптік жауапкершіліктерін қарады. Сондай-ақ жүйелі жұмыс болмаса, іс алға баспайтынын алға тартты.
Келесі мәселе салық түсімдерінің орындалуы туралы болды. Аталған мәселе төңірегінде аудан әкімдігінің қаржы бөлімінің басшысы Лаура Қазақбаева баяндама жасады.
Ол өз баяндамасында ауданда ағымдағы жылдың 1-қарашасына меншікті кірістер 2 290,6 млн. теңгеге орындалса, бюджетке 293,2 млн. теңге жоспардан артық түсім түскенін, оның ішінде салықтық түсімдер бойынша 2 259,5 млн. теңгеге немесе жоспардан артық 286,9 млн. теңге артық түссе,салықтық емес түсімдер бойынша 24,4 млн. теңгеге немесе жоспардан артық 2,2 млн. теңге артық түскен. Сондай-ақ негізгі капиталды сатудан түсетін түсімдер бойынша 6,7 млн. теңгеге немесе жоспардан артық 4,0 млн. теңге артық түскенін жеткізді. Сонымен қатар 16 ауылдық округтердің жеке тұлғалардың көлік салығы бойынша 296 салық төлеуші қарыз екенін атап, қарыз сомасы 17639,6 мың теңге құрайтын жеткізді.
Баяндаманы тыңдаған аудан әкімі Ермек Карентаев осы берешек сомаларды өндіру жұмыстарын әр ауылдық округ әкімдері өз дәрежесінде жүргізу керектігін ескертіп, ауыл, ауылдық округ әкімдеріне бірқатар тапсырмалар берді.
Жиын барысында аудан әкімінің орынбасары Мейірхан Төлеулиев «Саламатты Қазақстан» медициналық пойызының ауданға келу және кету бағыты туралы ақпарат берді.
Мәжіліске аудан әкімінің орынбасарлары Е.Әмірханов, М.Төлеулиев, аудан әкімі аппаратының басшысы Н.Қазақбайұлы, бөлім, мекеме басшылары мен ауыл, ауылдық округ әкімдері қатысты.
