Тараз қаласында 2012 жылы туған жасөспірімдер арасында өткен Қазақстан Республикасының футбол чемпионаты өз мәресіне жетті. Жарысқа еліміздің үздік командалары қатысып, шеберліктерін ортаға салды.
Нәтижесінде 1-орынды Жамбыл облысы, 2-орынды Шымкент қаласы, 3-орынды Ақтөбе облысының командасы иеленді.
Бұл МұхаммедӘмин Мәдібектің облыс құрамындағы алғашқы Қазақстан чемпионатындағы жеңісі. Оның жаттықтырушысы — Омаров Ержеткен Серғалиұлы.
Жас чемпионның жетістігін ерекше атап өту мақсатында аудан әкімі Ермек Карентаев МұхаммедӘминді және оның жаттықтырушысы Ержеткен Омаровты арнайы қабылдап, Алғыс хатын табыс етті. Әкім жас спортшыға алдағы уақытта да биік белестерді бағындыруына тілектестік білдірді.
