Мәслихаттың 30 жылдығы және Жамбыл облысына 85 жыл толуына орай Тараз қаласында тұңғыш рет ұйымдастырылған спартакиадаға аудандық мәслихат аппаратының қызметкерлері мен мәслихат депутаттары қатысып, жалпы спорттың 5 түрі бойынша бақ сынасты.
Екі күнге созылған бәсекеде Мойынқұм ауданының командасы волейболдан 2-орынды иеленді. 1-орын Жамбыл облыстық мәслихатына, 3-орын Шу аудандық халық қалаулыларына бұйырды.
Спорттық жарыс өте тартысты өтті. Онда қатысушы мәслихат депутаттары және мәслихат аппаратының қызметкерлері диплом және арнайы медальдармен марапатталды.
Спартакиадада бар күш-жігерін салып әртүрлі спорт түрінен өнер көрсеткен ойыншыларға аудандық мәслихаттың төрағасы Нұртас Саурықов алғысын айтты.
